Лух авт №52 № 1 (939)

ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас Российская Федерация Ямало-Ненецкий автономный округ Газета №1 (939) Lапат хутмет (суббота), Яlаптаl тыlащ (январь) 5-мет хатl 2019-мет таl 2019-мет таllуh пиlан! Там лопса муh ханты хоятlув китам мойlапса ясhат понlув. Яlап таlэва ям номас, юур, щём пон- lув. Постам верlув иса ат тыйlат. Тампуш эlты кашh lапат 1340 газет эсаlты питlув. Аратаl ханты мир ясhаl ванан тайты питlаllы. Кашh хоят верытаl потраl муhев киттыя па ох ёхтаптатыя. Щи тумпийн ВКОНТАК- ТЕ, ОДНОКЛАССНИКАХ па ИНСТАГРАМна, СЕ- ВЕРНОЕИЗДАТЕЛЬ- СТВО.РФ сайтан потрат па хорат вантты верытlаты. Ханты ясhев еllы туlэв, ханты арэв сухтыlэв, хан- ты монщев яха монщlэв! Раиса Александровна Конева (Восяхово): – Ешак ям рутыет! Ма lаhхаlайм мойlапса ясаh китты Яlап Таl пи- lан! Тумтака уlаты, найн- урн пиlан еllы. Иlта мув кульlув ат муhев шавиlат, нётlат, ой маlат. Аlаhсахат хущ этмаl иты, яlпа ёхтам номасlан, верlан, щирlан еllы ат питlат. Вевтам ясhат ун lонщ пай иlпия ат lоh- lат, щита ат хащlат. Яlпа питты таlан иса ям ат уl. Няврэмат иса тумтака ат энамlат, утаl- тыlат. Рупитты хоятат туhа щира ат рупитlат. Рут кутан ойhа, пищаhа, нуптаhа уlаты! Еllы манты юшан пел- ки ат lойl, ойlы мохиlув юшн ант ат ерамlат. Нум Турам Акев Ики нумаlта ат вантl, шавияl. Муй арат хуl юх йин- тап тайl, щи арат рут хо- ща lаhхапса ат уl. Яlап таlн, яlап номас пиlн еllы! Нелли Артёмовна Фролова (Пулhават): – Аратаl Зелёный Ярна уlты рутlама мойlапса ясаh китlам! Яйlам, хи- lыlам 2019-мет таllуh пиlан! Яlап таl – щит мет хорам, амтаh емаh ха- таl. Еllы пеlа ям номас понман ат уllат. Иса тум- така ат уllат. Хащам таl щиран артаlыман, муй ве- рат шитсат вертыя, муй па ант тыйс, па еllы юур понтыя. Аршак потар муh при- уральский хантэт ясаhна газетайн ат этlыйl. Елена Александровна Рыбина (Пулhават) НКАХ «Пулhават»: Яlап таl кашh хота ой ат туl. Няврэмат ураhан па ям мойlапсайт. Щи емаh хатаlан няв- рэмат шеhк амтатlыlат. Кашh хоят яlап таlан моl- ты номас тайl. Нопса ву- ям верэl вера ат тыйl. Ханты мирэв кутан, хой куртатан па воошатан уl- lат, рупатаеl хоща иса ям ат питаl. Хой тащ хо- тан яhхаl, вуlыlаl ара- шак ат энамlат. Хуl веl- пасlаты хоятат хоща ям па тащаh веlпас ат питаl. Унтан яhхты хоятат воой еша ат паятlат. Уна ювам хоятат па lув верытты ке- меlан ат уllат. Ма па рутlама, аньте- ма, ащема, яйlама, опи- lама мойlапса ясаh кит- lам. Тумтака ат уllат. Яlап таlан яха ат ёхты- lыlув. Ёхатты яlап таlан иса ям ат питаl. Тумтак ёш, тумтак кур! Николай Иванович Ишуткин (Мордовия, Саранск) – «Содружество финно- угорских журналистов» Яlап 2019-мет таl кеша «Lух Авт» газетайн ру- питты хоятата мойlапса ясаh китаl! Яlап таlан тумтака уlа- ты, аl мушитаты, нын верты рупатаянан па се- мьяйlанан верат яма ат манlат. Яlпа питты та- lэвна финно-угорский мирlув па еllы яха ат ёхтыlыlат, нын верты айкеllан па потарlан кашh мув щуhна ат хуl- lыlайт! Нын газетайн эlты ок- руган уlты шоши хан- тыlан арсыр айкеlат па мосты верат оша паятlат. Газета умща lуhатман тайlэl антом туп ун хоя- тат, щи тумпийн ай няв- рэматна ищи lуhатlа. Lув йис потрат, монщат па ар- сыр верат lуhатlат. Хан- ты ясаh утаlтыты няврэ- мат, ищи нын газетайн эlты ханты ясаh па муй щирн туhа ханшты, хан- ты ясhат утаlтыlат. Нын ун рупата верlаты, нын миран рут ясhаl ант ушты ураhан. Еllы таlатан па аршак хоят нын газетайн ат lуhатаl, нын мирн кутн ханты ясаh сый нэ- моlты порайн ант ат хурlаl. Антонина Егоровна Сязи (Пулhават): – Ма Яlап Таl ураhна мойlапса ясаh китlам ву- тан яhхты мохиlама. Кат апщем: Константин Его- рович, Евгений Егорович. Ур хотна lув ищи газет lуhатlат. Щаlта Катравошна уl- ты унтпема Марфа Яков- левная мойlапса ясаh китlам. Красноселькупан уlты опиlама ищи мой- lапса ясаh китlам: Гали- на Егоровна Аюпова, Вар- вара Егоровна Альма. Семьяйlаl пиlан таlаhты. Аратаl рутlув, ханты- lув иса тумтака ат уllат, йи сукlыя. Мола эlты ну- масысат, щи верlаl йи сукlыя иса таlаhты ат йиlат. Мола lытсат вер- тыи – щи мойлайlаl иса ат верlаllаl. Асат ямас ат уllат, тумтака ат уllат. Няврэмlаl ямас ат утаl- тыlат, рупатаеl хоща аса ямас ат рупитlат. Ойhат, тащаhат ат уllат. Аллина ЯКОВЛЕВА актам ясhат, Интернет эlты понам хорhан